Ang Sundalong PILIPINO
ay may matatag na kaisipan at pangangatawan
may angking talino at sariling kakayahan
marunong tumanggap ng pagkakamali at pagkukulang
at agad itong itinatama o kaya’y pinupunan.
Ang Sundalong PILIPINO
ay hindi bulag sa bawat katotohan sa kanyang
paligid
ang mga maling gawai’y kanyang itinutuwid.
ang puso’y may kakayahang mag- isip at gumawa
ang utak nama’y puno ng pag- ibig sa kapwa
kahit anong oras handa siyang makinig
bagamat siya ay hindi naman perpektong nilalang
ang mga tungkuling sa kanya ay ini- atang
ay buong- pusong niyang binabalikat at
ginagampanan.
Ang Sundalong PILIPINO
madapa o matumba man ay dagliang bumabangon
sa kanyang pinangalingan ay marunong lumingon
kanyang isinasaisip at isinasapuso
ang bawat aral ng buhay na sa kanya’y itinuro.
Ang Sundalong PILIPINO
ay marunong kumilala at mayroong pag-galang
sa mga bagay na mahalaga dito sa ating lipunan
pamilya’y kanyang minamahal nang tapat at lubusan
at ang bayan nama’y buong- pusong pinagsisilbihan
ngunit higit sa lahat ng bagay dito sa sanlibutan.
ang Sundalong PILIPINO
ay may takot at pagmamahal
sa nag-iisang Dakila at Poong Maykapal.
